Рузмаринот е билка која е одличен зачин во многу јадења, а освен тоа може да се направи и етерично масло кое има многу предности за здравјето.
Маслото од рузмарин е одлично за раст на косата, но и за подобро помнење и концентрација. Маслото може да се мачка на кожата, но и да се вдишува.
Како се користи маслото од рузмарин?
Маслото од рузмарин може да се вдишува со помош на дифузор во кој се ставаат 5 до 10 капки масло, а може и директно да се инхалира. Исто така, може да го мачкате на кожата, но претходно е потребно да го промешате со јојоба, кокосово масло или бадемово масло.
Пред користење на кожата може да се направи тест за да се провери како ќе реагира кожата и дали ќе предизвика реакција. Ставете капка масло на кожата и почекајте половина час. Ако не се појави никаква реакција, може да го користите маслото на кожата.
За што сè служи маслото од рузмарин?
Кожа
Може да служи како решение за акни и други проблеми со кожата. Важно е да го користите со друго масло за да не предизвика несакани реакции.
Проблеми со дишењето
Маслото од рузмарин е одлично за бројни проблеми со дишењето, а посебно за искашлување, бронхитис или проблеми со синусите. Потребно е да го вдишувате маслото за да ги олесните овие тегоби.
Расположение
Со вдишување на маслото од рузмарин се подобрува расположението, луѓето се поопуштени и посреќни. Познато е дека рузмаринот го намалува стресот.
Помнење
Маслото од рузмарин ќе ви помогне да се фокусирате подобро, како и да помните информации.
Циркулација
Маслото од рузмарин ја поттикнува циркулацијата. Може да додадете неколку капки во кремата или може да се користи промешано со базично масло. Ова масло ќе ги реши проблемите со ладни раце и нозе. Исто така може да се користи и за отстранување на целулит.
