Повеќе од 35.000 луѓе се евакуираат од островот Бали поради закана од ерупција на вулканот Агунг. Индонезија прогласила предупредување на највисоко ниво, предупредувајќи дека ерупцијата на овој егзотичен туристички остров би можела да биде неизбежна.
Вулканот Агунг кој е на висина од 3.000 метри над нивото на морето, се наоѓа на источниот дел на Бали. Властите ги предупредуваат граѓаните да бидат најмалку девет километри оддалечени од вулканот.
Во изминатите 48 часа имало повеќе од 800 потреси околу вулканот, што укажува дека вулканот е подготвен за ерупција.
Последната ерупција на вулканот Агунг се случила 1963 година, кога загинале околу 1.000 луѓе.
