Британско-американскиот производител на играчки Matchbox ќе пушти во продажба колекција колички засновани на вистински електрични автомобили. Првиот модел ќе биде мини-реплика на Tesla Roadster, но ќе има и други модели во чијашто понуда ќе има и мали станици за полнење.
Со ова, производителот на играчки сака да ја подигне свеста кај децата за влијанието на автомобилите врз животната средина.
И други компании, на приме Lego, најавија сллични кампањи.
Останатите модели на Matchbox колички кои ќе се најдат на пазарот, се во облик на електромобили и хибриди на Nissan, Toyota и BMW. Тие, како и смалениот Tesla Roadster ќе бидат изработени од 99% рециклирани материјали, како што најавија од компанијата за играчки. Пакувањето на количкатe нема да биде од пластика, туку од хартија и дрвени влакна.
Првата количка ќе се појави на пазарот следната 2022 година.
Компанијата Matchbox е основана во 1953 година и продава над 40 милиони колички годишно, според BBC. Mattel, којашто е нејзина фирма-сопственик, исто така, планира да користи 100% рециклирани, рециклирачки или биолошки засновани пластични материјали во производството на сите свои производи и пакувања, до 2030 година.