Новиот фудбалер на Рома, Немања Матиќ, призна дека се преселил во римскиот клуб поради тренерот Жозе Мурињо.
Во јуни српскиот фудбалер потпиша договор со тимот од Рим до 2023 година.
„Добро се познаваме и среќен сум што повторно ќе работам со него. Тука сум поради Мурињо. Би сакал да бидам играчот кој има најмногу настапи под водство на Мурињо и да бидам пред Лампард. Ми се допаѓаат амбициите на Рома“, го цитира Матиќ ITA Sport Press.
Во сезоната 2021/22 Матиќ одигра 32 натпреварии за Манчестер Јунајтед и оствари 4 асистенции.
Матиќ е во Манчестер Јунајтед од јули 2017 година. Претходно играше под водство на Жозе Мурињо во Челси и Манчестер Јунајтед.
