Маурисио Почетино е нов селектор на САД

Аргентинскиот селектор Маурисио Почетино (52) и официјално е назначен за нов селектор на фудбалската репрезентација на САД.

Деталите за договорот не беа споменати во соопштението на Фудбалската федерација на САД, но американските медиуми пренесуваат дека Почетино потпишал договор до крајот на Светското првенство кое ќе се одржи во 2026 година, а САД ќе бидат еден од организаторите заедно со Канада и Мексико.

„Одлуката за преземање на американската репрезентација не беше само поради фудбалот, туку и поради патот по кој се движи оваа селекција. Енергијата, страста и гладта да се постигне нешто навистина историско овде ме инспирираа. Гледам група играчи, кои се полни со талент и потенцијал и заедно ќе изградиме нешто посебно“, изјави Почетино, кој во кариерата ги водеше Еспањол, Саутемптон, Тотенхем, ПСЖ и Челси.

Почетино ќе дебитира на клупата на САД на 12 октомври на мечот против Панама.