Оваа оригинална креација настана под палката на двајца реномирани дизајнери.
Најновиот Maybach е доказ дека фантазијата нема граници, особено кога дизајнерите имаат слобода.
За изгледот се задолжени Вирџил Аблох, неодамна починатиот моден дизајнер од Louis Vuitton и шефот на дизајн во Daimler, Горден Вагенер.
Станува збор за off-road купе на електричен погон.
Проектот со ознака Maybach е шест метри долг автомобил со форма на купе и низа авантуристички детали. Има чуден облик на предните ЛЕД светла и осветлена маска. Задниот дел е сосема атипичен за актуелните Maybach автомобили.
Проектот Maybach е изложен во музејот Rubell во Мајами. Јасно е дека не е планирано сериско производство.
