Најмалиот кросовер на Mazda наскоро ја завршува својата кариера во Европа, но и понатаму ќе остане во понуда на неколку други пазари.
По повлекување од пазарот во САД, моделот CX-3 нема да биде во понуда ниту за европските купувачи што не е чудно со оглед на одличните резултати од продажбата кои ги остварува јапонската автомобилска компанија со моделот CX-30.
Дистрибутерите на Mazda во неколку европски држави објавија дека CX-3 ќе биде во понуда до крајот на годината, па CX-30 останува најмалиот SUV/кросовер кој ќе им се нуди на купувачите од наредната година. Во претходните најави Mazda откри дека понудата на автомобили со ознака CX во наредните две години ќе биде дополнета со неколку нови модели.
Жителите на Стариот континет може да сметаат на CX-50, CX-60, CX-80 со три реда седишта, а се подготвуваат и нови SkyActiv мотори со 6 цилиндри кои ќе бидат со plug-in хибридна технологија.