Педесет и двегодишен жител на прилепското село Ново Лагово со нож нападнал вработен во аптека во Струга откако одбил да му даде седативи.
Поради постоење основи на сомнение за сторени казнени дела ,,разбојништво“ и „напад врз службено лице при вршење работи на безбедноста“, полициската станица од Струга поднесе кривична пријава против Б.Д.(52) од прилепското село Ново Лагово.
На 18. овој месец во 09 часот и 15 минути Б.Д. пред аптека на улицата „Маршал Тито“ во Струга го забележал вработениот во аптеката и видно агресивно, со нож во рацете и со закани по неговиот живот, побарал да му даде седативи.
Вработениот успеал да се сокрие во аптеката и настанот го пријавил во полициската станица, каде набрзо пристигнале полициски службеници. При нивната интервенција, Б.Д. со ножот во рацете пружал активен отпор и продолжил со закани кон униформираните полициски службеници.
