Триесет и девет годишен маж, државјанин на Албанија, бил пронајден мртов во комбе во струшко.
Увид на местото на настанот извршиле Јавен обвинител и екипа од Полициската станица Струга, при што било утврдено дека починатиот Ф.Ш. бил ангажиран кај Д.Р. од с.Ливада како овчар, а комбето го користел како преноќиште.
Во комбето била пронајдена плинска греалка која се користела за затоплување на истото. По наредба на Јавен обвинител, врз телото била направена обдукција, при што e констатиранo дека Ф.Ш. починал од труење со јаглено-моноксид.
Телото на починатиот, по обезбедување на потребната документација за транспорт во Република Албанија, ќе биде предадено на семејството.
