Погрешно се верува дека жените во хетеросексуални врски почесто се правдаат со „Не сега, ме боли главата “, што не значи дека се помалку заинтересирани за секс отколку мажите, вели д-р Лес Парот, автор на книгата „The Ultimate Guide To Crazy Good Sex“.
„Не можете да очекувате дека вашата сексуална желба секогаш ќе одговара на нејзината. И обратно. Ниското либидо може да ја наруши најдобрата врска или да го загрози бракот, затоа не дозволувајте тоа да се случи“, ги советува тој мажите, наведувајќи неколку совети за „совпаѓање на секс-термометрите“.
„Зборувањето за сексуалните желби сигурно ќе помогне да се балансира либидото. Кога ќе почувствувате дека е вистинското време, прашајте ја кога сака да водите љубов. Клучот е дека треба да знаете што е можно повеќе за нејзините сексуални желби. И ако забележите дека нешто се случува, не ги потиснувајте проблемите“, истакнува Лес.
Некои жени се посрамежливи и не знаат како да го поканат својот партнер на секс. За да избегнете такви ситуации, договорете се за таен знак.
„Тоа може да биде запалена миризлива свеќа, песна или поглед што ќе го насочите кога ќе бидете подготвени“, советува тој.
Дотерувањето или романтичните коментари ќе ја зголемат нејзината страст. Не мора да бидете поет, но едноставните реченици како „Ми значиш многу“, „Ти си најдобриот дел од мојот ден“ ќе разбудат заспани страсти, истакнува Парот и потсетува на резултатите од истражувањето што покажа дека мажите кои активно учествуваат во домашните работи имаат повеќе секс од оние кои сметаат дека тоа е „женска работа“.
„Не само што се сексуално почувствителни кон нив, туку таквите мажи се и физички попривлечни за жените“, заклучува авторот.
