Мажите потешко поднесуваат грип од жените и подолго се лекуваат од него, покажуваат резултатите од истражувањето извршено во Универзитетот Оксфорд.
На мажите за закрепнување во просек им се потребни три дена, додека на жените ден и половина.
Ова истражување, кое анализирало податоци шест години наназад, покажува дека мажите почесто се хоспитализирани од грип за разлика од жените.
Терминот „машки грип“ стана се почесто присутен, па е вклучен и во оксфордскиот речник.
Оксфордскиот речник поимот „машки грип“ го дефинира како „состојба на настинка или слично заболување кое го чувствуваат мажите, а кое се однесува на претерување во сериозноста на проблемот“.
Според оваа дефиниција, мажите кои имаат грип, многу бргу ја усвојуваат улогата на беспомошен пациент и многу се потпираат на помошта на другите додека да оздрават.
Но, некои научници сметаат дека мажите навистина вирусните респираторни болести ги доживуваат поинаку во однос на жените, како и срцевиот удар.
Па така, можеби, однесувањето на мажите при симптоми на настинка и грип е во рамките со тоа како болеста влијае на нив.
Во друго истражување, научниците тврдат дека вакцината против грип предизвикува посилна локална и системска реакција и создавање на повеќе антитела кај жените.
Возможно е тестостеронот да има одредена улога во тоа зошто реакцијата кај мажите е послаба.
Се покажало дека клетките во носот на жените инфицирани од грип, изложени на женскиот хормон естрадиол, ја намалуваат имунолошката реакција, што не е случај и кај мажите.
Бидејќи симптомите на грип во голем дел зависат од имунолошките реакции на телата, намалениот имунолошки одговор кај жените може да се објасни и со послабите симптоми на оваа болест.