Најново истражување го поби митот дека кај жените прво згаснува сексуалниот нагон кога се во долга врска со еден партнер.
Поголемиот дел од мажите губат интерес за секс поради фрустрираност поврзана со намалената физичка способност и моќност.
Несигурноста, чувството дека се несреќни и стравувањето дека ја губат слободата во романтична врска со една партнерка исто така се чести фактори зошто мажите се повлекуваат во кревет.
Други фактори се депресија, лошо расположение, еректилна дифункција, здодевна сексуална рутина и фокусирање на семејните обврски и децата.
Професорката Кристен Марк од Универзитетот на Кентаки која го водеше истражувањето, вели дека од мажите се очекува да имаат висок и едноставен сексуален нагон што се пали и гаси како „на копче“.
„Женскиот сексуален нагон се доживува како сложена контролна табла. Но, и кај мажите и кај жените тоа е сложен процес.“
Во нејзиното истражување таа опфатила 64 студии направени од 50-тите години на 20. век наваму.
Експертот Мајкл Перелман од Њујорк вели дека стресот и анксиозноста најсилно се одразуваат на начинот на кој мажите ја перцепираат својата (сексуална) способност и вештина.
„Кај мажите кои не сакаат да го прават она за кое не ги бива многу, ќе се јави повлекување бидејќи се чувствуваат засрамено“, вели тој.