Не е лесно со зборови да се опише машкиот шарм, а често за нивниот скриен сексапил придонесуваат и малите детали кои прават мажите да бидат неодоливи.
Такви на пример се одредени маани од кои мажите можеби се срамат, но на жените воопшто не им сметаат.
Дури две третини од жени кои учествувале во анкета потврдиле дека популарните стомачни „плочки“ не се толку секси колку што за нив се зборува. Жените изјавиле дека им е помило да видат природно стомаче на маж кој не е толку опседнат со неговиот лик пред огледало, дигање тегови и протеини.
На жените не им смета кога мажот неколку дена не е избричен. Не станува збор за брада туку за лежерен изглед кој изгледа одлично во комбинација со спортски стил на облекување.
Анкетата исто така потврдила дека мажите со побелена коса се секси. Иако денес сè повеќе мажи посегнуваат по боја за коса за да ги прикријат првите знаци на стареење, жените сепак попрво би одбрале маж со природен изглед.