Мажите во текот на зимата имаат поголема потреба за секс, покажува анкета спроведена со помош на една апликација за онлајн состаноци. Во зима, кај мажите расте желбата за секс, но и желбата за нежност, романтика и блискост.
Во анкетата учествувале 1.000 мажи, секој петти одговорил дека во зимскиот период времето би го поминал со партнерка и за која не е толку загреан, отколку сам. Зошто е тоа така е побарано одговор од терапевтката за брачни проблеми и проблеми во врската, д-р Рејчел А. Сусман.
„Колку и да се на лето мажите возбудени околу фактот дека се слободни, во тој период обично избегнуваат емотивни врски за да можат да прават што сакаат и кога сакаат. Но, во зима им е неприфатлива емоционалната и сексуалната празнина, па исто како и жените, се чувствуваат осамени“, објаснува докторката.
Сепак, се истакнува прашањето за засилените потреби за секс, со оглед на тоа што повеќето се изјасниле дека сексот во зима им е поважен. Објаснувањето на докторката е едноставно, за разлика од летните месеци кога девојките се лесно облечени и го покажуваат повеќе телото, во зима на мажите им проработува фантазијата. Таа вели дека не е онака како што многумина мислат, дека мажите повеќе ги возбудува голотијата.
„Во зима фантазијата кај мажите е на повисоко ниво бидејќи им е потребна за да откријат што се крие зад сите тие слоеви облека кај жените“, објаснува докторката.