Ѕвездата на француската репрезентација Килијан Мбапе, кој е заслужен за освојувањето на титулата светски шампиони на Мундијалот во Русија, реши по спектакуларниот настап на Светското првенство да направи некаква промена.
Не, Мбапе не заминува од ПСЖ. Тој останува верен на парискиот клуб, само ќе носи дрес со друг број.
На СП 2018 за репрезентацијата на Франција играше со број 10, како Мишел Платини и Зинедин Зидан пред него.
Тој број не можеше да го земе во ПСЖ бидејќи таму го носи Бразилецот Нејмар, најголемата ѕвезда на тимот, па минатата сезона настапуваше со бројот 29.
Најдобриот млад фудбалер на светот реши да направи измена, а француските медиуми пишуваат дека се одлучил за едноцифрена бројка.
Се работи за бројот 7, што останува слободен бидејќи Лукас Моура реши да го напушти францускиот клуб и да се пресели во Тотенхем.
Французите пишуваат дека Мбапе ја избрал „седмицата“ поради Кристијано Роналдо, за кого одамна има изјавено дека му е идол уште од најраните денови како фудбалер.
