Пари Сен Жермен со ремито 1:1 на гостувањето кај Стразбур во претпоследното коло од Лига 1 го освои францускиот шампионат.
Единствениот гол за парижаните го постигна Лионел Меси на асистенција на Килјан Мбапе, кој се најде во интересна ситуација пред и по натпреварот.
На загревањето пред мечот, Мбапе случајно со топка во лице удри девојка на трибините и ѝ го раскрвари носот.
Французинот веднаш притрча да провери дали е сè во ред. Потоа ја однесе до лекарската екипа каде ѝ помогнаа да го запре крварењето.
Мбапе не заборави на оваа девојка ниту по натпреварот. Додека неговите соиграчи ја прославуваа титулата, тој ѝ пријде, ја прегрна, кратко разговараше со неа и ѝ подари дрес.
