Мбапе претставен пред преполн „Бернабеу“

Францускиот фудбалер Килјан Мбапе и официјално беше промовиран како нов играч на Реал Мадрид пред полн „Сантјаго Бернабеу“.

Тој утринава најпрвин беше на лекарски прегледи, а потоа заедно со претседателот на Реал, Флорентино Перес, го потпиша повеќегодишниот договор.

Мбапе ќе остане во шпанската престолнина најмалку до летото 2029 година. Само за потписот доби 130 милиони, а месечно ќе заработува 26 милиони евра.

На дресот ќе го носи бројот девет, откако не инсистираше на бројот десет што го носеше Лука Модриќ.

По потпишувањето следеше спектакуларна промоција пред 85.000 навивачи на стадионот „Сантјаго Бернабеу“.

Први на теренот излегоа претседателот Флорентино Перес, легендата на клубот Пири и Зинедин Зидан.

По тој повод беше објавен специјален филм подготвен исклучиво за оваа пригода, на кој се прикажани ексклузивни снимки од Зизу и младиот Мбапе.

Легендарниот француски играч за врска беше тој што соработуваше со 13-годишниот сонародник во тренинг комплексот на Реал.

Прв пред публиката се обрати Флорентино Перес, кој му се заблагодари на Зидан што Мбапе е овде денес.

„Драг Зизу, ова е многу важно. Пред 12 години го покани детето што го промовираме денес овде. Денеска ќе го пречекаме Килјан Мбапе“, рече Перес.

А потоа се појави и Мбапе: