Едисон Кавани продолжува да руши рекорди во дресот на францускиот гигант Парис Сен Жермен.
Неодамнешните несогласувања со новиот соиграч Нејмар како дополнително да го мотивираа Уругваецот.
ПСЖ против Анжер запиша нова голема победа од 5:0, а Кавани нови голови со кои ја надмина бројката од 100 погодоци во Лига 1.
Мбапе не бше на висина на задачата против Ница, Нејмар не играше против Анжер поради повреда, а Кавани е тука за недостатокот во нападот да не се почувствува.
Тој стана само петиот фудбалер во историјата на француската лига кој многу брзо успеал да постигне 100 погодоци (моментално има 101).
Едисон Кавани за да дојде до овој рекорд му беа потребни 144 натпревари.
Во елитниот француски ранг тој постигнува 0.7 погодоци по натпреар што го става зад Златан Ибрахимовиќ (0.93) и Радамел Фалкао (0.78).
Кавани исто така е и еден од трите играчи кој играјќи во две од петте најсилни лиги во Европа постигнал повеќе од 100 погодоци.
Прво тоа го направи во Серија А од 2006 до 2013 година со Наполи, а потоа и во Франција.
Ова им успеа уште на Ибрахимовиќ и Гонзало Игуаин.
Тој го сруши и рекордот на Ибрахимовиќ во Лигата на шампионите за ПСЖ со 24 погодоци на 40 натпревари, а Кавани би можел да го помине и да стане најдобар стрелец во клупската историја.
Кавани има 147 погодоци, а Швеѓанецот 156.