Францускиот напаѓач ја истакна важноста на Бразилецот во тимот, а без него ПСЖ ќе ја изгуби конкурентската улога во Лигата на шампиони.
Сѐ погласни се шпекулациите за заминувањето на Нејмар од Париз и негово веројатно враќање во Барселона. Покрај навивачите на ПСЖ, меѓу оние кои не сакаат тоа да се оствари е и неговиот соиграч Килјан Мбапе.
„Ќе се обидеме да бидеме на високо ниво во континуитет, но да не се залажуваме. Многу зависи од ситуацијата со Нејмар. Без него не е исто“, вели тинејџерот.
„Сакам да остане кај нас, сам знае што јас мислам на таа тема бидејќи му кажав искрено и со сета почит. Јас едноставно му се возхитувам.“
ПСЖ без Нејмар уште од старт би бил отпишан од долгопосакуваната титула во Лигата на шампиони.
Синоќа ПСЖ и без Нејмар во тимот немаше проблеми со Ним победувајќи со 3:0, но лесно е против недораснат противник. Токму Мбапе го постигна вториот гол, а асистираше на третиот. Во противничкиот тим го немаше нашиот Влатко Стојановски кој сѐ уште не може да игра поради проблем со документацијата.