Повторно се игра средбата меѓу ПСЖ и Башакшехир од 6. коло во Лигата на шампиони, и „Светците“ водат со 5:1 во 65. минута, што укажува дека и најверојатно ќе победат.
Првите два гола ги постигна Нејмар, а третиот беше дело на Килјан Мбапе од белата точка. Со тој гол, Мбапе стана најмладиот фудбалер кој постигнал 20 погодоци во Лигата на шампиони.
Мбапе го постигна својот 20-ти гол на возраст од 21 година и 355 дена, соборувајќи го рекордот на Лионел Меси, кој постигна 20 гола на возраст од 22 години и 266 дена. На третото место е поранешниот шпански фудбалер Раул (22 години и 297 дена).
Од француските фудбалери, само Бензема (67), Анри (50), Трезеге (29), Гризман (25) и Папен (22) постигнале повеќе голови од Мбапе во Лигата на шампиони.
Во 62-та минута од средбата Мбапе го постигна и 21. гол во ЛШ.
