Синоќешниот хет-трик против Барселона го искачи младиот Килјан Мбапе во топ 3 на вечната листа кај „Светците“.
Има само 22 години, а веќе си обезбеди место помеѓу легендите на клубот. Килјан Мбапе синоќа ѝ даде три гола на Барселона со кои дојде до бројката од 111 голови постигнати во дресот на Пари-Сен Жермен во сите официјални натпреварувања.
Со вчерашниот хет-трик го надмина Португалецот Педру Паулета кој во периодот од 2003 до 2008 година стрелаше 109 пати и го истисна од топ 3.
На врвот и натаму води Единсон Кавани со 200 голови, пред Златан Ибрахимовиќ со 156. Но, како тргнал младиот Мбапе, доколку не си замине, сигурно ќе ги мине и двајцата бидејќи до оваа бројка стигна играјчи ја својата четврта сезона во клубот.
Топ 10 најдобри стрелци во историјата на ПСЖ:
- Единсон Кавани 200 (301, 2013-2020) - Уругвај
- Златан Ибрахимовиќ 156 (180, 2012-2016) - Шведска
- Килјан Мбапе 111 (153, 2017-) - Франција
- Педру Паулета 109 (211, 2003-2008) - Португалија
- Доминик Рошето 100 (254, 1980-1987) - Франција
- Мустафа Дахлеб 98 (310, 1974-1984) - Алжир
- Франсоа М'Пеле 95 (217, 1973-1979) - Конго
- Анхел Ди Марија 86 (246, 2015-) - Аргентина
- Сафет Сушиќ 85 (344, 1982-1991) - Југославија
- Нејмар 83 (103, 2017-) - Бразил
Во заграда се бројот на одиграни натпревари и периодот кога играчот настапувал за клубот.
