Prior Design подготви нови компоненти наменети за McLaren 720S, кои го прават уште поагресивен.
Многумина ќе речат дека златното правило на поседување автомобил е да се „остави на мира“. Ferrari дури им забранува на купувачите на „несоодветен“ начин да ги модифицираат неговите модели, но тоа богатите и славни понекогаш не ги спречува да си ги исполнат своите желби. Дури и многу популарните автомобили, како оние на McLaren, минуваат низ процеси на модификации преку кои добиваат нов body kit и подобрени мотори. Prior Design овој пат своето внимание го посвети на еден зелен примерок од McLaren 720S, а резултатот е нешто поумерен за разлика од некои минати проекти.
Пакетот под името PD720R Aerodynamic Kit во потполност го трансформираше McLaren 720S. Напред е нов лип спојлер со доводи кој допринесува кон импресивниот изглед на автомобилот, на дел од браниците се интегрирани вентилациски отвори, а новиот преден капак има поинаков облик и изгледа многу поагресивно отколку стандардниот.
Изгледот на страничниот профил е унапреден со широки прагови, а назад е нов дифузор кој задниот дел од автомобилот го прави уште поагресивен благодарение на масивните перки. Prior Design го подготви и огромното задно крило, така што сега McLaren 720S го има еден од најдобрите задни делови во светот на суперавтомобилите. Ова крило ги прати природните облини на стандардниот автомобил, така што одлично се вклопува.
Пуристите ќе речат дека овие компоненти не се адекватно тестирани во воздушен тунел и дека веројатно негативно влијаат на перформансите, но со обѕир на фактот што суперавтомобилот го покренува 4,0-литарски V8 twin-turbo мотор кој развива 710 КС, тешко дека некој ќе примети разлика.
Компонентите нес е направени од јаглерод, туку под фиберглас.
