McLaren го направи својот прв потполно електричен автомобил, а неговото тестирање веќе започна.
Овие информации за магазинот „Auto Car“ ги потврди еден од директорите на McLaren Дан Пери-Вилијамс, кој откри и неколку детали околу новиот проект.
„Имаме потполно електричен прототип, но пред нас е долг пат“, изјави тој.
Според неговите зборови, најголем предизвик се уште е батеријата, бидејќи импресивните перформанси бараат многу енергија.
Едноставно, батериите на електричниот суперавтомобил би биле потполно празни после само половина час возење на стаза, објасни Пери-Вилијамс.
Поради тоа потполно електричен автомобил на McLaren е се уште далеку, но електрификацијата секако е следен логичен чекор на компанијата.
Всушност, станува збор за хибридизација, а следната генерација на хибридни модели на британската компанија ќе сочинуваат околу 50 отсто од сите продадени модели на McLaren до 2022 година.
Тие автомобили ќе бидат многу брзи, а притоа и бргу ќе ја регенерираат потребната енергија.
Потополно електричниот модел на McLaren ќе биде дел од Track22 стратегијата, а ќе биде позициониран веднаш под суперавтомобилот P1.
Може да се смета за наследник на моделот 675 LT, а од 0 до 100 километри на час ќе може да забрзува за помалку од три секунди.
