Во босанскиот град Бугојно безбедносна камера сними како мечка напаѓа чувар, кој пак успешно се одбрани.
Бугојно е гратче од 15 илјади жители во централниот дел на Босна и Херцеговина. Ретко кој надвор од оваа држава слушнал за него, бидејќи и нема зошто - таму речиси ништо и да не се случува. Сѐ до сега...
Неверојатната снимка ја објави страницата Bugojno danas. Се гледа како кучиња ја бркаат мечката, по што таа се крие во влез. По кучињата притрчува чувар, тие бегаат, а чуварот изгледа загрижен за цвеќињата што животните ги испогазија, кога одеднаш мечката излегува од влезот.
Чуварот излегол без повреди од овој необичен инцидент кој сигурно долго ќе го помни.
Еден од оставените коментари под видеото вели: „Колку што гледам, на снимката е Рамиз. Човекот е спремен како НАТО, мечката добро поминала“.
