Медицински персонал на Армијата се приклучува во борбата против COVID-19

Скопје, 30 ноември 2020 (МИА) – Од денеска се очекува одреден број доктори и медицински сестри кои работеле за војската, да се приклучат кон здравствениот персонал од јавните здравствени установи во борбата против ковид пандемијата. По прогласувањето на кризната состојба, како поддршка во обезбедување на ред во ковид центрите низ државата распоредени се и припадници на Армијата.

Изминатото деноноќие беа регистрирани нови 820 случаи од направени 2.019 тестови. Министерството за здравство соопшти дека починати се 32 пациенти, а оздравени 895 пациенти.

Најголем број од новозаболените се од Скопје – 279 по што следуваат Битола со 58, Куманово со 49, Тетово со 42, Штип со 39, Гостивар со 37, Кавадарци со 34, Струга со 33, Струмица и Гевгелија со по 25, Охрид со 24, Неготино со 21, Велес со 19 и Прилеп и Кочани со по 15 случаи.

Од починатите, најмладиот е на 55-годишна возраст, а најстариот на 95-годишна возраст. Сите се починати во болнички услови.

Министерот за здравство Венко Филипче со апел до граѓаните во претстојниот период на слави и прослави да бидат одговорни и да ги почитуваат мерките за заштита.

–  Славите, прославите и семејните собири беа причина за влошување на епидемиолошката состојба за време на првиот бран, да не дозволиме тоа повторно да се случи. Заштитете се себе си и сите околу вас, напиша вчера Филипче на Facebook.

Според информациите што вчера ги објави Министерството за здравство, вкупната бројка на пациенти позитивни и суспектни на корона вирусот кои се лекуваат на инфективните оддели во главниот град и во болниците низ земјава е 1282 и има колку 190 празни болнички кревети, но, како што посочува, бројките се менуваат од час во час во зависност од направените приеми и исписи.

Ковид центрите на интерните клиники во Скопје на покана на министерот за здравство ги посетил и доктор Никола Пановски, кој изготвил стручно мислење во кое меѓу другото навел дека правилно се третираат пациентите.

– Што се однесува до терапијата со антибиотици, за дијагнозата пневмонија, се почитуваат протоколите за лекување, и антибиотици се ординираат според клиничката слика, компјутерска слика на белите дробови и комплетни лабораториски наоди, каде се користи и најосетливиот маркер за диференцијација на вирусна од бактериска инфекција, прокалцитонинот. Се почитуваат протоколите за антибиотска терапија на пневмониии, како на пример монотерапија со респираторен кинолон, или комбинација на беталактам (цефтриаксон) со макролид (азитромицина најчесто) и кај тешките форми, каде нема ефект од оваа терапија или постои сомнение за болнички стекната пневмонија, се ординира карбапенем (имипенем или меропенем) со ванкомицин, напишал Пановски во дописот до Филипче.

Организациски, според Пановски, солидно се поставени центрите, со јасна поделба на зелена и црвена зона и персоналот е адекватно заштитен.

–  Тоа што јавноста треба да го знае, е дека во сите тие центри постојано има присутен пулмолог, а не како што пишуваат по социјалните мрежи дека таму лекувал на пример офталмолог. Со четворица од нив разговарав, со двајца лично, со две преку телефонска видео врска, напишал проф. д-р Никола Пановски во стручното мислење.

Негова препорака е да се провери како се организирани и ковид центрите во внатрешноста на државата.

Вкупната бројка на ковид дијагностицирани од почетокот на епидемијата изнесува 61.543, бројката на оздравени е 38.400, а на починати е 1.731. Бројот на активни случаи е 21.412.

реклама

Кој е полицаецот кој со три потези спречи трагедија во Капитол хил?

Read more

Рецепт за печен компир стана хит на интернет

Read more

Откажан првиот меч на ракометниот Мундијал

Read more

Нов скандал го тресе Холивуд: Актерот Арми Хамер обвинет дека е канибал и садист

Read more

Македонија

Нови 190 случаи на COVID-19, шестмина починати и 2.009 оздравени пациенти

Read more

Минусни температури во цела држава, на Попова Шапка -16 степени

Read more

Законот за попис пред гласање, опозицијата собира потписи да го поништи

Read more

Сончево и студено со мала до умерена облачност

Read more
 

Вести

Повеќе од 95 милиони луѓе во светот се заразени со COVID-19

Читај повеќе

Навални полета за Москва

Читај повеќе

Нови 190 случаи на COVID-19, шестмина починати и 2.009 оздравени пациенти

Читај повеќе

Третата руска вакцина против корона ќе биде достапна од март

Читај повеќе

Малолетник се обидел да силува 27-годишна девојка во струшко

Читај повеќе
  • play_arrow

Петмина руски морнари спасени од потонат брод кај Турција, двајца се удавиле

Читај повеќе

Уапсена мајка за запуштање и малтретирање на малолетна ќерка

Читај повеќе

Приведени 13 лица на две домашни забави во Скопје

Читај повеќе

Почна судењето на најмоќната италијанска мафија

Читај повеќе