Рускиот тенисер Даниил Медведев го победи Јаник Синер во четвртфиналето на Вимблдон.
Јаник Синер е елиминиран од Вимблдон веќе во четвртфиналето. Даниил Медведев го совлада светскиот тенисер број еден на Централниот терен со 3-2, или 6:7 (7:9), 6:4, 7:6 (7:4), 2:6, 6:3. По 4 часа голема борба и пресврти, Русинот е оној што се пласира во полуфиналето на третиот Грен слем во сезоната.
Италијанецот имаше здравствени проблеми, побара лекарска помош на средината од мечот, но и по сето тоа сосем рутински го доби четвртиот сет и се чинеше дека кризата помина и ќе ја заврши работата во решавачкиот сет. Така не мислеше Даниил, кој направи брејк во четвртиот гем и го задржа водството до крајот.
Ова ќе биде второ последователно полуфинале на Вимблдон за Русинот, кој лани рутински загуби од Карлос Алкарас (6:3, 6:3, 6:3). Можеби ќе има шанса да му се одмазди, бидејќи во второто четвртфинале Шпанецот игра против Американецот Томи Пол.
„Првиот пат победив на два меча на Централниот терен на Вимблдон, обично победувам еден или ниту еден, така што ова е веќе рекорд. Видов дека врне и погледнав во семафорот и видов дека Алкарас и Пол играат 50 минути и резултатот беше 4:4, па се прашував што прават таму“, се насмеа Даниил.
Овој пораз нема да влијае на првото место, Јаник ќе остане на чело на АТП листата, но во случај Ѓоковиќ да ја освои титулата би можел да му се доближи и да му се заканува во наредниот период. Но, за такво нешто Ноле ќе мора прво да го одигра мечот со Алекс де Минор во четвртфиналето.
