Репрезентацијата на Русија со победата против Шпанија ја воведе Србија во четвртфиналето на Дејвис купот. Пресуди даблот во кој Карацев и Рубљов по пресвртот ги совладаа Лопес и Гранољерс.
Данил Медведев ѝ понесе победа на Русија бидејќи во сингл беше подобар од Карењо Буста. По натпреварот, вториот рекет во светот беше одлично расположен. На прашањето дали заслужил вечера од Ѓоковиќ, Русинот одговори:
„Ќе видиме. Нема да одиме на вечера додека трае турнирот во Мадрид, но кога ќе заврши – зошто да не“, истакна Медведев.
Србија и Русија можат да се сретнат во финалето. Србија во четвртфиналето ќе игра со Казахстан, а Русија против Шведска.
Доколку Србија победи, ќе играат со подобриот од мечот Италија-Хрватска, а Русите ќе играат со победникот од мечот Велика Британија и Германија.