Поранешниот руски претседател Дмитриј Медведев ја коментираше изјавата на британскиот премиер Риши Сунак кој изјави дека преговорите со Русија се потполно бесмислени сѐ додека руските трупи не се повлечат од Украина.
По тој повод Медведев на својот канал на Telegram изјави дека сите британски политичари се лицемерни, а во краткото обраќање се осврна и на потеклото на самиот премиер на Обединетото Кралство на Велика Британија и Северна Ирска.
„Сите британски политричари се ретки лицемери. Еве младиот премиер со презиме некарактеристично за Велика Британија. Рече дека додека Русија не ги повлече своите трупи од територијата на Украина, нема преговори. Од сите, Англосаксонците велат дека самите Украинци ќе одлучат дали ќе преговараат со нас или не. Лажги, дволичност и невиден цинизам“, рече Медведев.
После тоа, Медведев зборуваше и за деценискиот конфликт помеѓу Аргентина и Обединетото Кралство, а попатно, без било каква врска со темата за која зборуваше, го пофали и настапот на Аргентина на Мундијалот во Катар.
„Британците подобро конечно нека ги напуштат Фолкландите и нека им ги вратат на Аргентинците. Фолкландите не се на Британија, туку на Аргентина! Репрезентацијата на Аргентина заслужено го освои Светското првенство. Продолжете со одличната работа и на теренот надвор од политиката!“, порача Медведев.
Веројатно Медведев заборави дека Аргентинците овие острови во Атлантикот ги нарекуваат Малвински Острови, па за пецкањето на Британците да биде поголемо требаше да го користи тоа име.
Фолкландските Острови се архипелаг кој се наоѓа на 480 километри од брегот на Аргентина, но се под британска контрола. На 2 април 1982 година Аргентина ги нападна Фолкландските Острови како и други британски територии во Јужниот Атлантик (Јужна Џорџија и Јужните Сендвич Острови). Аргентинците ја загубија војната предавајќи се на 14 јуни истата година. Загинаа 655 аргентински и 255 британски војници. По војната, Британците го зголемија нивното воено присуство на островите, а оттогаш Аргентина и Обединетото Кралство не се во добри острови, што дури се одрази и на спортски натпревари.
