Даниил Медведев пропушти историска шанса да го симне од врвот светскиот шампион Новак Ѓоковиќ.
Рускиот тенисер шокантно испадна во осминафиналето на Мастерсот во Индијан Велс и на тој начин пропушти да го заземе првото место на АТП листата.
Медведев беше поразен од бугарскиот тенисер Григор Димитров по неверојатен пресврт од 2 : 1 во сетови – 4 : 4, 6 : 4, 6 : 3.
Медведев со брејк на старт на мечот го доби првиот сет, а во вториот поведе со 4 : 1. Димитров потоа освои 8 гемови по ред, односно 11 од вкупно следните 15 и го исфрли најголемиот фаворит на турнирот.
Ѓоковиќ ќе остане на првото место на АТП листата и во понеделник ќе има 11.430 поени, а Медведев поради раното испаѓање губи скоро 1.000 бодови и има 9.630.