Илјадници филмски фанови ја обожаваа, а денес е речиси непрепознатлива поради бројните пластични операции.
Мег Рајан се катапултираше во светот на холивудскиот гламур благодарение на улогите во романтичните комедии како „French Kiss“, „Kate & Leopold“, „You've Got Mail“ и други.
Ја обожаваа поради нејзината спонтаност, едноставност и допадливост. Беше пример за “девојката од соседството“ и публиката не можеше да замисли романтична комедија во 90-тите без неа. Таа беше новата миленичка на публиката во 90-тите како што беше Голди Хоун во 80-тите.
Со нејзината кратка, брановидна руса коса што стана апсолутен хит во средината и крајот на 90-тите, таа беше олицетворение на американската убавица на тоа време.
Одеднаш Мег Рајан ја снема, бидејќи знаеше колку Холивуд може да биде суров кон жените кога ќе ја надминат возраста за глумење 20-годишни убавици во романтични комедии.
„Направи премногу естетски зафати. Тоа беше шок за луѓето бидејќи веќе не личеше на онаа Мег Рајан во која се заљубивме“, рече Џејмс Манголд, режисер на филмот „Кate & Leopold“.
Сѐ почна со филер за усни, но за жал, Рајан не застана таму.
„Веќе не беа само усните. Носот ѝ е поинаков, јаболчниците... ботоксот е повеќе од очигледен. Луѓето не сфаќаат дека постои и зависност од пластична хирургија. Таа не е единствениот пример. Таквото однесување најчесто е обид на таа личност хируршки да се реши од некое лично незадоволство во животот“, вели пластичниот хирург Марк Роберт.
Кариерата ѝ пропадна во целосен мрак и Рајан во 2006 година се одлучи да посвои девојче од Кина. Таа веќе имаше син што го доби во бракот со Денис Квејд во 1992 година и актерката се фокусираше на воспитување на децата.
Кога сфати дека веќе нема да добива улоги бидејќи направи премногу пластични операции, се посвети на кариера зад камерата како продуцент и режисер.