Двата македонски прволигаши си разменија два одлични фудбалери правејќи го домашниот преоден рок интересен.
Сепак, не станува збор за договорена трампа на Академија Пандев и Шкендија бидејќи Марјан Радески во Струмица доаѓа како слободен играч за разлика од Љупчо Дориев за кој тетовчани го одврзаа кесето.
Радески во 2015 како мега талент направи трансфер во Шкендија за дури 150 илјади евра од редовите на Металург. Во последно време заглави со формата во тетовскиот тим, го мачеа и повреди, од стандарден стана повремен репрезентативец, па новата авантура ќе биде одлична можност за 25-годишното крило да си ја рестратира кариерата.
Љупчо Дориев, пак, е дете на Академија Пандев и во Шкендија се сели за 70 илјади евра. Генерација е со Радески со тоа што 25-тиот роденден ќе го прослави во септември. И тој е крилен играч, иако често пати игра и како треквартиста.
Она што многумина љубители на македонскиот фидбал ги разочара е тоа што и двајцата се решија кариерите да ги продолжат во Македонија. На нивна возраст, ова се чини беше последната шанса да го издинат нивното ниво ранг погоре со трансфер во поквалитетна лига, знаејќи го (не)квалитетот на македонската лига каде простор за напредок повеќе нема бидејќи и двајцата веќе го имаат достигнато максимумот.