Меган Маркл ја изврши првата службена должност со идниот сопруг, британскиот принц Хари, брат му Вилијам и неговата сопруга, војвотката Кејт.
Експертката за говор на тело Џуди Џејмс тврди дека актерката не била срамежлива, туку вистинска „сила на природата“, одлучна во намерата нејзиниот глас да биде чуен. Таа вели дека Меган е новата „принцеза на народот“, титула што ја носеше покојната мајка на Хари и Вилијам, принцезата Дијана.
Џејмс вели дека Меган воопшто немаше трема поради јавното појавување, додека Кејт изгледаше понервозно.
Британските медиуми веќе ја карактеризираат Меган како „новата Дијана“ поради нејзината спонтаност и непосредност, емотивниот пристап и енергијата со која зрачи. Венсикот „Sun“ исто така веќе ја прогласи за „принцеза на народот“.
Актерското искуство сигурно ѝ помага во намалување на тремата при јавни настапи и појавувања, ако ништо друго за да го држи стресот под контрола.
Кејт има вистинска кралска насмевка, додека Меган има флертувачка насмевка. Меган ги имаше преплетено прстите, а кога зборува користи моќни потези што симболизираат емпатија. Кејт поопуштено ги држеше рацете, но во движењата на прстите се откриваше трема.
Џејм како интересен момент го истакнува односот меѓу Меган и Кејт.
„Кејт изгледа смирено, но одлучно, а Меган цело време седеше исправено. На Кејт дланките ѝ беа склопени во скутот, погледнуваше и се насмевнуваше само кон Вилијам. Тоа значи дека имаше малку трема за Меган“, објаснува Џејмс.
Во заедничкото појавување беше забележано дека и двете ги користеа долгите коси како штит што им ги криеше лицата на моменти.
„Меган е поопуштена, рацете ѝ се прибрани, брадата ѝ е спуштена со блага насмевка, што покажува дека е сигурна во својот статус. Кренатите веѓи укажуваат дека слуша внимателно“, анализира Џејмс.
