По една и пол година врска, омилената неоготска двојка на интернетот ја соопшти свршувачката.
Актерката Меган Фокс на Instagram објави видео од свршувачката која се случила во вторникот, на 11 јануари. Во видеото, раперот Машин Ган Кели клекнува на колено и ѝ подарува прстен. Фокс потоа клекнува на колена за да му се придружи, додека тој ѝ го става прстенот.
„Во јули 2020 година седевме под ова дрво. Посакавме магија. Бевме несвесни за болката со која ќе се соочиме заедно во толку краток, хаотичен временски период“, напиша Фокс во коментар под видеото. „Не знаејќи за трудот и жртвите што врската ќе ги бара од нас, но опиени од љубовта. И кармата. Некако, една и пол година подоцна, откако заедно поминавме низ пекол и се смеевме повеќе отколку што замислував дека е можно, ме запроси. И во секој живот пред овој, и како и во секој живот што ќе следи, реков да.“
Таа исто така откри дека секој од нив се напил од крвта на другиот.
На типичен начин за нивната врска - која постојано е проткаена со темите крв, сатанистички ритуали, канабис и готски реквизити - таа го заврши постот раскажувајќи на необичниот начин на кој ја запечатиле својата заедница.
Во својата објава на Instagram, Кели сподели и видео од Фокс и вереничкиот прстен со два скапоцени камења: нејзиниот камен, смарагд и неговиот камен, дијамант. Скапоцените камења се поставени на две „ленти од трње“ кои означуваат „две половини од иста душа што го формираат нејасното срце што е нашата љубов“.
Фокс (35) претходно беше во брак со актерот Брајан Остин Грин, од кој двапати се разведуваше. Вториот развод беше финализиран лани во октомври. Двојката има три заеднички деца.
Машин Ган Кели, чие вистинско име е Колсон Бејкер, има ќерка од една претходна врска и ова ќе биде прв брак за 31-годишниот рапер.