Меган Маркл поднесе приговор до телевизијата ITV поради изјавата на поранешниот водител Пирс Морган, кој отворено кажа дека не верува во ниту еден збор од нејзиното интервју, сметајќи дека ваквите изјави влијаат негативно на луѓето со ментални проблеми.
ITV во вторник објави дека Морган ќе повлече од шоуто Good Morning Britain затоа што беше нападнат од јавноста поради коментарите за Меган Маркл.
Читајте следно: Се огласи и Пирс Морган, најголемиот хејтер на Меган Маркл
„По разговорите со ITV, Пирс Морган заклучи дека е време да ја напушти Good Morning Britain“, објавија од телевизијата наведувајќи дека ја прифатиле таа одлука и дека нема што да додадат.
Според CNN, приговорот на Меган Маркл се однесува на влијанието на коментарите на Морган врз другите луѓе, односно дека ова ќе ја намали важноста на менталното здравје.
Коментарите на Морган предизвикаа остри реакции во британската јавност и осуда од британската организација за ментално здравје „Mind“.
„Реков во понеделникот дека не верувам во ниту еден збор што го кажа Меган Маркл во интервјуто кај Опра. Имав време да размислам за ова мислење, и сè уште не верувам во тоа. Ако ми верувате, добро. Јас сум подготвен да умрам за слободата на говор. Ви благодарам за целата љубов и омраза. Одам да поминам повеќе време со моите мислења“, напиша тој на Twitter.
