Нова книга за кралското семејство, напишана на основа на изјави на луѓе кои работеле за нив, го открива прекарот што вработените го дале на Меган Маркл.
Таа е опишана како „нарцисоиден социопат“ и во книгата се тврди дека планирала да замине од кралското семејство уште од самиот почеток. Автор на книгата „Courtiers: The Hidden Power Behind the Crown“ е Валентин Лоу, а во неа ги пренесува искуствата на луѓето кои работеле за кралското семејство.
Во книгата се наведува дека помошниците на војводата и војвотката од Сасекс биле толку „трауматизирани“ што се нарекле „клубот на преживеани од Сасекс“. Книгата го опишува грдото однесување на Меган Маркл, сопруга на принцот Хари.
„Сите знаеја дека на семејството ќе му се суди според нејзината среќа, грешката што ја направија беше што мислеа дека таа сака да биде среќна. Сакаше да биде одбиена бидејќи беше опседната со таа приказна уште од првиот ден“, велат вработените.
Тврдат дека поранешната кралска двојка ги „изиграла“. Во книгата има сведочења во кои се тврди дека Меган кон вработените се однесувала како „шефица од пеколот“ поради што луѓето плачеле и се треселе додека биле на работа. Меган избркала двајца асистенти, а персоналот бил понижен во повеќе наврати. Адвокатите на војвотката претходно ги отфрлија тие обвинувања.
Не е прв пат во јавноста да се појавуваат тврдења дека Мега била „шефица од пеколот“. Но, таа тврди дека сето тоа е дел од организирана кампања против неа.