„Рускиот претседател Владимир Путин претставува најголема и најважна закана за безбедноста на светот, поголема и од Исламската држава“ изјави американскиот сенатор Џон Мекејн.
„Мислам дека Исламската држава може да направи ужасни работи, но Русите се обидоа да ја уништат основата на демократијата и да го променат исходот на американските избори. Не гледам доказ дека беа успешни, но се обидоа и сѐ уште се обидуваат да ги променат изборите“ рече Мекејн во интервју за ABC.
Џон Мекејн важи за еден од најрадикалните американски сенатори кои популарно се нарекуваат “јастреби“. Тој е претседател на вооружениот комитет на Сенатот на САД, а во неговите јавни настапи не се воздржува да го критикува Владимир Путин.
