УФЦ борачот Конор Мекгрегор на социјалните мрежи се пофали дека е најплатен спортист во светот за 2021 година, по основа на настап по минута.
Популарниот борач е платен 8.6 милиони долари по минута за настап во УФЦ минатата година, што е скоро нереална и луда цифра.
Конор е далеку пред големите спортисти како Канело Алварес, Кристијано Роналдо, Том Брејди или Нејмар.
Треба да се спомене дека ова големо отстапување е резултат од пократките рунди во ММА спортот во однос на вкупното траење на мечевите во бокс, рагби или фудбал.
Магазинот Forbes го прогласи за најдобро платен спортист минатата година, што потврдува дека никој не заработува повеќе пари од него.
Минатата година Мекгрегор не ја имаше баш најплодната сезона. Се бореше двапати при што беше поразен. Во последната средба ја скрши и ногата поради што долго време паузира за да на пролет се врати во октагонот.
И покрај тоа што една година беше без борба, Конор заработи големи пари од двата меча и од продажбата на сопствената марка виски која му донесе околу 150 милиони долари.
Во 2020 година Ирецот беше прогласен за спортист со највисоки приходи.
