Славниот ирски MMA борец Конор Мекгрегор синоќа е пуштен на слобода со 50.000 долари кауција. Мекгрегор пред судот во Њујорк се појави после инцидентот на медиумскиот настан на UFC.
За потсетување, Мекгрегор насилно влезе на настанот ден откако му беше одземена титулата светски првак во лесна категорија.
Тој е снимен како ограда и други различни предмети фрла кон автобусот во кој се наоѓаа UFC борците, вклучувајќи ги и членовите од тимот на рускиот MMA борец Хабиб Нурмагомедов.
Двајца борци се повредени, а Мекгрегор по инцидентот сам и се предаде на полицијата.
Мета на нападот на Мекгрегор наводно бил неговиот долгогодишен ривал, споменатиот Русин, но наместо тој повредени беа двајца Американци.
Мекгрегор во UFC последен пат се бореше во неомври 2016 година, кога го победи Еди Алварез и ја освои титулата првак во лесна категорија.
Меѓутоа, својот наслов никогаш не го бранеше, а наместо тоа се одлучи на боксерски меч со Флојд Мејведер во август минатата година. Мекгрегор го загуби тој меч.
