Ф1

Мекларен го раскина договорот со Хонда

13. септември 2017 - 9:22 | Kајгана/Макфакс

Екипата на Мекларен го раскина договорот со Хонда и од наредната сезона ќе ги користи моторите на Рено, пренесе „Аутоспорт“.

Јапонската компанија пред две и пол години се врати во Формула 1, но новата ера на соработка со британскиот тим донесе исклучително лоши резултати. Во последните три сезони возачите на Мекларен имаа низа проблеми поради моторите на Хонда, кои неретко завршуваа со казни.

Хонда минатата година го унапреди моторот, но оваа година напарви неколку чекори наназад, поради што од почеткот на сезоната започнаа шпекулациите дека Мекларен ќе го раскине договорот.

Мекларен долго време бараше поуздан партнер, а како единствена реална опција се појави Рено.

Извори блиски до британскиот тим потврдиле дека Мекларен постигнал договор за тригодишна соработка со Рено.

Според договорот, мекларен ќе ги добива истите мотори кои ги користат фабричкиот тим на Рено и Ред Бул, додека Торо Росо ќе се префрли на Хонда, што исто така стои во договорот.

Познавачите на состојбите во Формула 1 тврдат дека благодарение на договорот со Рено, Мекларен е блиску на подолг период да го обезбеди потписот на Фернандо Алонсо.

Коментирај