Актерот Метју Меконахи е познат по бројните улоги, но и по својот јасен став за разликата помеѓу успехот и парите. Во гостувањето во подкастот „Modern Wisdom“ откри зошто одбил улога вредна 15 милиони долари.
Наведе дека чувството на исполнетост и среќа му се поважни од големите заработувачки кои носат и големи улоги.
„Парите и славата станаа синоним за успех. Кој има повеќе е победник. За мене профитот има поинакво значење. Има разлика помеѓу успехот и профитот. Профитот ви се враќа, но не само преку бројките на сметката“, рече тој.
Меконахи тврди дека ги цени парите, но многу финансиски успешни актери како него не се задоволни со животот затоа што немаат вистинска цел во животот.
„Многумина го загубија компасот. Тие само бркаа заработка и немаа ниту врски ниту смисла во животот“, рече тој.
Ова не е првпат да одбие улога која би можела да му донесе голема заработка. Во 2012 година во интервју за The Guardian зборуваше за откажувањето од романтичните комедии и тогаш рече: „Ги сакав, беа добро платени, беше забавно, но не бев сигурен дали сакам да продолжам по тој пат. Сакав нешто што повторно ќе ме исполнува“.
Во 2008 година Меконахи одбил улога во филмот „Magnum P.I.“ иако за тоа му биле понудени 15 милиони долари. Набргу потоа прифатил улога во филмот „Dallas Buyers Club“ за кој добил помалку од 200.000 долари. Таа улога го доведе до Оскар и голема пресвртница во неговата кариера.
Коментирајќи го тогашниот голем успех, рече дека квалитетот на животот не е пропорционален со бројките на сметката. Оваа улога му донела поголема исполнетост отколку парите што ги одбил.
Потсетуваме, Метју Меконахи неодамна целосно го напушти Холивуд и реши да живее помирен живот во Тексас.
Како што изјави, причината е желбата да се врати во родниот крај каде што живее мајка му. Исто така, тврди дека сакал неговите деца да го имаат она што тој го имал кога растел.
