Спасувачите кои се одбидуваат да ги извлечат преживеаните по силниот земјотрес што го погоди Мексико во вторникот, се во трка со времето. Постои опасност од дополнително рушење на паднатите згради, преживеаните се во паника, а времето истекува.
Посебен случај во кој секоја секунда беше важна, беше спасувањето на преживеаните кои чекаа помош под урнатините на оновно училиште во Мексико Сити.
Најмалку 21 дете и петмина возрасни загинаа во земјотресот, а многу ученици се водат за исчезнати.
Вчера заврши драматичното спасување на последното дете за кое се знае дека преживеало во училиштето, но спасувачите велат дека акцијата не престанува тука.
Тие продолжија со пребарување низ урнатините.
Училиштето е една од десетина згради што се срушија по земјотресот во кој досега е потврдено дека загинале 230 луѓе.
Мексиканскиот претседател Енрике Пења прогласи тридневна жалост.
