Мексико сити, 20 април 2019 (МИА) – Засега неидентификувани напаѓачи убија најмалку 13 лица во градот Минатитлан во Мексико кога отворија оган од огнено оружје кон едно кафуле, откако претходно се распрашувале за одреден маж.
Во нападот убиени се седуммина мажи, пет жени и едно бебе.
Точниот мотив за нападот уште не е познат, се наведува во соопштението од мексиканската Влада.
Мажот кој го барале е идентификуван како сопственик на кафуле во Минатитлан, а нападот се случил за време на семејна расправија.
