Шкотланѓанецот од редовите на Манчестер Јунајтед повикува на претпазливост и повторување на прикажаното бидејќи големата победа во Париз ќе биде излишна ако „Ѓаволите“ кикснат дома со Лајпциг.
По големото изненадување минатат недела кога Јунајтед успеа да слави победа среде Париз, утревечер на домашен терен го пречекува незгодниот Лајпциг.
Скот МекТоминеј беше еден од јунаците таа ноќ, а сега повикува да се повтори добрата игра бидејќи пирова би излегла та апобеда доколку не се триумфира дома против Лајпциг. Во меѓувреме, Манчестер го среди Њукасл викендов со 4:1.
„Победа во среда ќе биде огромен успех за сите и за самодовербата која од недела во недела и натпревар по натпревар ни се зголемува. Навистина ќе делува позитивно за тимот“, вели Скот за United Daily.
„Нема поента да одите во Париз, кога е во прашање голем натпревар и кога целиот свет ве гледа, да одиграте навистина добро, а потоа да не одиграте добро дома против Лајпциг, или да не ја повторите добрата игра која ви донела победа во Париз“, смета тој.
Но, иако Лајпциг не е на рангот на ПСЖ, сепак не е воопшто слаб тим. Лани стигна до полуфиналето од Лигата на шампионите кога испадна токму од ПСЖ.
„Знаеме дека ќе внесат интензитет во играта. Тие се страшен тим, ги гледав многупати лани кога играа во Лигата на шампионите. Тие се многу, многу интензивен тим со добар тренер и добри фудбалери. Така да, нема да биде воопшто лесно“, завршува Шкотланѓанецот.
