Мел Б гостуваше во Лејт најт шоу на Џејмс Корден и откри дека сака Кејти Пери да ја замени Викторија Бекам на турнејата на „Спајс грлс“.
43-годишната пејачка исто така рече дека турнејата со „Спајс грлс“ ќе се случи 100%, со или без 44-годишната Викторија Бекам која денес е успешна дизајнерка и бизнисменка.
Оливија Мун, која исто така беше гостинка во емисијата, на шега предложи дека групата можеби треба да земе различни славни личности кои ќе ја заменуваат Бекам за време на турнејата, а Мел Б на тоа одговори: „Кејти Пери би била одлична, нели?“
Таа исто така додаде дека другите три членки „дефинитивно“ ќе ѝ се придружат на сцена и турнејата 100% ќе се случи.
Мел откри дека успешната дизајнерка и сопруга на Дејвид Бекам можеби ќе им се придружи на неколку настапи.
„Спајс грлс“ последен пат настапија заедно на свеченото отворање на Олимписките игри во Лондон во 2012 година.