Првата дама на САД два пати одби да го држи за рака сопругот Доналд Трамп во јавност.
Меланија Трамп ладнокрвно го плесна претседателот на САД додека одеа по црвениот тепих по пристигнувањето на аеродромот во Тел Авив кога Трамп се обиде да ја фати за рака.
Посетата на Израел не почна многу славно за Трамп, но тоа беше само почетокот. Јавноста веднаш почна со шпекулации зошто првата дама е толку ладна со сопругот и тоа пред очите на светската јавност, а гласините продолжија по сцената во Италија.
Меланија по втор пат вешто се оттргна од Трамп на излегување од авионот во Рим и претседателот Трамп остана буквално со празни раце.
Наводно, 70-годишниот Трамп се плаши да се симнува по скали, па најверојатно само му требаше поддршка, но сѐ што успеа да направи беше да ја фати Меланија за половината (или малку подолу).