Рајан Серхан, агент за недвижности, ја процени вредноста на овој пентхаусот во Менхетен на дури 169 милиони долари.
Пентхаусот се наоѓа на горниот кат од станбениот облакодер 432 Park Avenue и е со големина од приближно 800 квадратни метри. Има шест спални соби и девет бањи. Големите прозорци обезбедуваат совршен поглед на Менхетен и блискиот Сентрал Парк.
„Недвижен имот како овој никогаш досега не бил на пазарот“, вели Серхан.
Просторот е дизајниран од Рафаел Вињоли и ќе се продава целосно украсен, со парчиња мебел од Hermès и Bentley, како и вредни уметнички дела.
Серхан го нарече овој пентхаус „светско чудо“.
Тој, исто така, рече дека добил бројни понуди поврзани со купување на овој имот во изминатиот месец, но дека сака да ја зголеми вредноста со објавување оглас.
„Секој може да живее во голем стан или да купи цел кат на некоја локација. Сепак, има само еден пентхаус на 432 Park Avenue“, рече тој.
