Суперспортскиот модел на Mercedes - GT R го помина кругот на Нирбургринг за 7 минути и 10,9 секунди со што стана најбрз сериски автомобил со погон на задните тркала што возел на оваа патека.
Инспириран од тркачката верзија AMG GT3, Mercedes-AMG GT R на најдобар начин го покажа својот потенцијал, благодарение на брзиот круг по „зелениот пекол“.
Времето е десет секунди подобро од Ferrari 488 GTB и само две секунди послабо од посилниот модел Nissan GT-R Nismo со погон на двете оски.
Автомобилот на Mercedes што го постави овој рекорд, располага со V8 би-турбо мотор кој испорачува 585 коњски сили.