Берлин, 25 јули 2019 (МИА) – Mercedes ги претстави посебните болиди за Луис Хамилтон и Валтер Ботас непосредно пред Големата награда на Германија.
Трката во Хокенхејм ќе биде јубилејна 200 Ф1 трка за Mercedes, кој слави 125 години учество во различни мотоспорт активности.
Mercedes во Хокенхајм го донесе најавенoто подобрување за Ф1 W10, кое вклучува нова шасија, нов систем за ладење и нови аеродинамични делови, а 125-годишнината ќе ја одбележат со нови бои.
„Без бела боја, металната лимарија на болидот беше изложена со тоа што даваше сребрен изглед. Така се роди сребрената стрела“, велат од Mercedes.
Првиот тренинг за Големата награда на Германија почнува утре во 11 часот, а вториот исто така утре но попладне во 15 часот. За сабота се предвидени третиот тренинг во 12 часот и квалификациите во 15 часот, а трката почнува в недела во 15 часот и 10 минути.