Денеска во Силверстоун, тимот на Mercedes го претстави новиот болид за претстојната сезона во Формула 1 натпреварувањето. Минатата сезона Луис Хамилтон ја освои титулата во Ф1, а оваа година тој ќе има можност да вози побрз и посовремен болид.
Болидот кој е наречен AMG F1 W10 EQ Power+ на прв поглед е многу сличен со минатогодишниот модел, но е значајно побрз и модернизиран, тврди шефот на екипата, Тото Волф.
Mercedes оваа сезона ќе атакува на петтата последователна титула во конкуренција на конструктори, а за оваа екипа трета сезона по ред ќе вози дуото составено од Луис Хамилтон и Валтери Ботас.
„Правилата се променија и сега секоја екипа има право да се надева на големи резултати. Моравме да направиме болид од нула и затоа ќе мора одново да се докажуваме“, рече Волф, кој откри дека болидот за оваа сезона почнал да се подготвува уште од 2017 година.
Свое мислење даде и Луис Хамилтон, кој потенцираше дека уживал во шампионската титула од минатата сезона, но дека оваа година може да биде уште подобра за него и за тимот.
Сезоната во Формула 1 започнува на 17 март во Мелбурн.