Хамилтон и Ботас на патеките во новата сезона ќе возат со болидот F1 Mercedes W12 кој денеска беше официјално претставен.
Мерцедес-Бенц, кој е актуелен шампион за 2020 кај конструкторите, го презентираше својот нов болид со кој ќе брка нова титула во Формула 1. Воедно нивниот возач број 1, Луис Хамилтон, токму со овој болид ќе атакува на својата рекордна осма титула, со што би го минал и легендарниот Михаел Шумахер.
„Горди сме на црната која која ја користевме и минатата година, пред сѐ и поради пораката која ја крие (заб. на прев. борбата со расизмот), но оваа година сме исто така задоволни што повторно ја гледаме и сребрената која е заштитен знак на Мерцедес“, рече шефот на Мерцедес, Австриецот Тото Волф.
Хамилтон и Валтери Ботас се задоволни од новиот болид.
„Прекрасно е да се има шанса за сето ова: да се виде во Мерцедес, да се доживеат големи искуства, пријателства, нови работи, ова е убава приказна и би било убаво да трае уште. Сепак, ние сме тим од Ф1 и тука сме за да победиме, тоа е мојата цел. Нема да биде лесно оваа сезона бидејќи тука е Ферари, но и останатите“, вели шампионот.
„Ова е мојата петта сезона во тимот. Зимската пауза мина добро, комплетно се рехабилитирав, работев за да се подобрам и сега гледајќи го новиот болид ми доаѓа нагон да седнам и да го возам“, рече Ботас.
Новата сезона во Ф1 треба да почне на 28 март со Големата награда на Бахреин.
